БАЛЫК-СУУ БОР КЕНИ
БАЛЫК-СУУ БОР КЕНИ Чүй облусунун Кемин районунда, Шабдан кыштагынан 4 км түндүктө, деңиз деңгээлинен 1700-2000 м бийиктикте. 1960-жылы геологиялык съёмка иштерин жүргүзгөндө табылган. Пайдалуу тек болуп 3,54% бордун үч кычкылын кармаган турмалинит эсептелинет. Анын таралышынын аянты 0,4 км2. Технологиялык изилдөөдөн бордун үч кычкылы жакшы бөлүнүп алынары аныкталган. Кенди жер семирткич катары изилдөө ж-а геологиялык чалгындоо иштерин жүргүзүү сунуш кылынган. Бордун үч кычкылынын кен боюнча болжолдуу ресурсу 1 млн т.