БЕКТУРГАНОВ
БЕКТУРГАНОВ Кубанбек – (1944-ж. т., Нарын обл., Кочкор р-ну, Мантыш кыш.) – социолог, социология илимд. доктору (2006), профессор (2006). КМУнун механика-математика ф-тин (1970) бүтүргөн. 1977–80-ж. Ломоносов атн. ММУнун аспирантурасында окуп, колдонмо социология б-ча кандидаттык диссертациясын коргогон (1980). 1981–82-ж., 1988–92-ж. ФПИ- де улук окутуучу, декан. 1983–84-ж. Кыргызстан КП БКда инструктор, 1985–87-ж. Кыргыз ССР ИАнын Философия ж-а укуктаануу ин-тунда изилдөө борборунун башчысы, 1992–93-ж. КМУда декан, 1993–96-ж. кафедра башчысы болуп иштеген. Бир нече монографиянын ж-а 80ден ашуун ил. эмгектердин, макалалардын автору. Медалдар м-н сыйланган.