БЕТ
БЕТ —1) негизги геом. түшүнүктөрдүн бири. Бул түшүнүккө геометриянын түрдүү бөлүктөрүндө ар кандай маани берилет: элементардык геометрияда тегиздик, көп грандык, ийри Б-тер каралат. 2) Кеңири түшүнүк берүү үчүн тегиздиктин бөлүгүн үзгүлтүксүз деформациялоодон Б. алынат. Чоюу, кысуу ж-а ийүү м-н кайрадан эле жаңы Б. пайда болот. Булар жөнөкөй Б. же эки өлчөмдүү элемент деп аталат. Жөнөкөй Б-ке квадраттын өзара бир маанилүү ж-а үзгүлтүксүз түспөлү кирет. Чоң тегерек м-н чектелген шардын Б-нин жарымы да жөнөкөй Б-ке мисал болот. 3) Алг. ж-а аналитикалык геометрияда Б. геом. чекиттердин көптүгү катары каралат.