БЕЧЕЛОВА
БЕЧЕЛОВА Турсун (1898, Бишкек уезди, Кызылсуу кыш. – 1981, Бишкек) – Кырг-нда Совет бийлиги орногондон кийин саясий үгүт иштерин жүргүзүүнү уюштурган алгачкы кыргыз
аялдарынын бири. 1916- жылдан Бишкек, Сокулуктагы соодагерлерге жалданып иштеген. 1918-ж. Бишкектеги «Эмгекчи аялдар союзуна» кирген, 1919–20-ж. Ташкендеги парт.-сов. мектептен окуган. Аны бүткөндөн кийин Бишкек, Токмок ш-нда аялдар ишин уюштурууга катышкан (1924); Нарын, Бишкек ш-нда аялдар арасында иштөө б-ча инструктор, кийин Ош, Бишкек ш-нын ишканаларында иштеген. 1945-жылдан респ. маанидеги пенсияга чыккан.