БЕШИК КУДА
БЕШИК КУДА – наристе бешикте кезинде эле кудалашуу салты. Бири-бири м-н ымаласы жакын эки үйбүлө өзүлөрүнүн жакындыгын күчөтүү максатында, айрым учурларда сөөк жаңыртуу иретинде да Б. к. болушкан. Кудалашкан күндөн тартып, болочок келиндүү болчу тарап калың төлөй баштап, колукту күйөөсүнүн босогосун аттаган күнгө чейин созулушу ыктымал. Никелешүүнүн ушул сыяктуу түрлөрү казактарда, өзбектерде, тажиктерде, о. эле Орто Азиянын башка элдеринде да кездешкен. Кийин бул салт жок болуп кеткен.