БИОЛОГИЯЛЫК БУЛГАНУУ
БИОЛОГИЯЛЫК БУЛГАНУУ – пайдаланылып жаткан экосистемага ж-а тех. түзүлүштөргө жат өсүмдүктөрдүн, жаныбарлардын ж-а микроорганизмдердин табигый жол м-н, о. эле адамдын иш-аракетинен жайылышы. Көпчүлүк учурда аймакка терс таасир этет. Бөлөк жерден келген организмдер жерг. организмдерге караганда чөйрөгө бат байырлашып, жерг. түрлөрдү четтете баштайт. Мис., америка ачкүсөнү европа ачкүсөнүн, ондатра калтарчычканды сүрүп чыгарган. Шаарларда таштандылар топтолгон жерлерде (убагында тазаланбай калуудан) кескин түрдө
синантроптук организмдер (келемиш, карга, курт-кумурска) көбөйүп кетет. Чөйрөгө айрыкча ферменттерди иштеп чыгаруучу ишканалардын биол. таасири зор, анткени алардын таштандыларын тирүү клеткалуу микроорганизмдер түзөт.
Б. Үсөнканов.