БИЙ МУЗЫКАСЫ
БИЙ МУЗЫКАСЫ – элдик оюн-зоок кечелерде бийлерди коштоочу ар кандай жанрдагы музыка. Бий музыкасы бийдин түрүнө, жүрүшүнө карата ыргакка негизделет. Ал көбүнчө аспаптык ансамблдин же бир аспаптын (барабан, дап жана башкалар) коштоосу менен аткарылат. Бий музыкасы – дүйнөнүн көп элдеринин музыкасындагы салттуу жанр. Бий өнөрү анча өнүкпөгөн элдерде (мисалы, казак, кыргыз жана башкалар) Бий музыкасы пайда болуп, өз алдынча жанр катары өнүгүүдө.