БЕНЗИДИН

БЕНЗИДИ́Н , Н₂N–C₆H₄–C₆H₄–NH₂ – түссүз же саргыч түстөгү кристалл. Молекеулалык массасы 184,23; 60°Сден төмөнкү температурада суу эритмелеринде суунун 1 молекуласын кошуп алуу м-н крис­таллданат, сууда начар, спиртте, эфирде жак­шы эрийт. Бензидин уксус ж-а суюлтулган туз кислота­сында туздарды пайда кылуу м-н эрийт. Мисалы, туз кислотасы монохлоргидратты С₁₂Н₁₂N₂НСI пайда кылат. Бензидин гидроазобензолго минералдык кислоталарды таасир этип, изомерлөөдөн алынат. Бензидинди диазоттоодон алынган бис-диазобирикмелерден азобоёктор алынат. Ал канцерогендүү зат, анын абадагы концентрациясы 0,001 мг/лден ашпоосу керек.