БАКТЕРИЯ ЖЕР СЕМИРТКИЧТЕРИ
БАКТЕРИЯ ЖЕР СЕМИРТКИЧТЕРИ - өсүмдүккө керек микроорганизмдери бар заттар. Ал топурактагы биохимиялык процессти күчөтүп, өсүмдүктүн азыктануусун жакшыртат. Микроорганизмдер өсүмдүктү көп илдеттен сактайт. Өсүмдүктүн азот, фосфор ж. б. микроэлементтер м-н камсыз болушу жакшырат. Бакетерия жер семирткичинен нитрагин, азот бактерини ж-а фосфор бактерини көп пайдаланылат. Нитрагин чанактуу өсүмдүктөргө чачылат. Ал чанактуу өсүмдүктөрдүн тамыр бактериясынан даярдалып, органикалык заты көп чөйрөдө көбөйтүлөт. Бир г нитрагинде 70-300 млн тамыр бактериясы болот. Люпин, соя, сераделла, жер жаңгак ж. б. өсүмдүктөргө үрөнү м-н бирге, алдын ала сууга аралаштырып чаңдатуу, бүркүү м-н колдонулат. Азотбактерин — азотбактерден даярдалган жер семирткич; органикалык заты көп түрдүү топуракта тез өөрчүйт. Стандарт боюнча 1 г азотбактеринде 50 млндон ашык азотбактер клеткасы болот. Ал өсүмдүктүн козу карын илдетинен жабыркашын азайтат. Минерал, азот ж-а органикалык жер семирткичин толук алмаштырбайт. Фосфорбактерин - курамында микроорганизм споралары (1 г да 8—16 млрд) бар боз түстөгү күкүм. Ал фосфорду өсүмдүк оңой сиңирүүчү түргө айландырат. Органикалык ж-а минералдык жер семирткич м-н бирге колдонулса, жакшы натыйжа берет. Бактерия жер семирткичи үрөн м-н кошо гектарына 400-500 г себилет.