ДАВАН АРГЫМАКТАРЫ
ДАВАН АРГЫМАКТАРЫ – б. з. ч. 1-миӊ жылдыктын акырында – б. з-дын 1-миӊ жылдыгынын биринчи жарымында Фергана өрөөнүндөгү Даван мамлекетинде асыралган аргымак аттар. Бул аргымактар м-н давандыктар өзгөчө да- ӊазаланган. Алар «асман аттары» деп аталып, бүтүндөй Фергана элинин сыймыгы болгон. Д. а-нын алтындан жасалган айкели падышанын сарайында турган. Байыркы кытай тарыхый жылнаамаларында: «Даван аргымактары жылкылардын асман тукумунан жаралган, алардан кызгылт тер чыгат»,– деп айтылат. Аска беттерине түшүрүлгөн сүрөттөрдөн давандыктар бул жылкыга табынганы да байкалат. Д. а-нын ташка чегилген сүрөттөрү Араван р-нунан (к. Араван аска бетиндеги сүрөттөр), Сулайман-Тоодон табылган, к. Аргымак.