ДАВАН РОГОВИК КЕНИ
ДАВАН РОГОВИ́К КЕНИ – Жалал-Aбад облнун Ала-Бука р-нундагы роговик кооз ташы жаткан жер. Каба кыш-нан 15 км түн. тарапта, Чаткал кырка тоосунун түш. капталында. 1960-ж. ачылып, 1973–75-ж. геол. изилдөө жумуштары жүргүзүлгөн. Кен аймагын гранат-пироксендүү скарн, роговик, гранит-диорит, метаморфизмделген акиташ теги ж-а серпентинит тоотектери түзөт. Роговиктин өӊү боз, мала кызыл келип, арасында кара ж-а каралжын боз жолжол темгилдүү тилкелер кезигет. Тилкелердин калыӊдыгы 0,5–1,5 см, алар 19 м2 аянтта 3–5 жолу кайталанып, кезектешип жайгашкан. Роговик катмарынын калыӊдыгы 150 м, уз. 350– 400 м. Чыккан блоктордун өлчөмү 20Ч20Ч20 смге жетет. Сайкалданган бети жалтырап, кооз оймочиймелүү. Таштан майда кооз белек буюмдарды жасоого болот.