ДАВЛЕТОВ
ДАВЛЕТОВ Имаммусейин Кожомбердиевич (1. 3. 1932, Москва р-ну, Чоӊ-Арык кыш. – 21.01. 1983, Фрунзе) – геолог, геол.-минералогия илимд. доктору (1971). Москва түстүү металлдар ж-а алтын ин-тун бүтүргөн (1954). Кыргыз ССР ИАнын Геология ин-тунун кенже (1955) ж-а улук (1962) ил. кызматкери, сектор, лабор. башчысы (1968– 83). Ал – 70тен ашык ил. эмгектин, а. и. 1 монографиянын автору. Эмгектеринде коргошун, цинк, жез, вольфрам, молибден, алтын м-н күмүштүн минералогиясын ж-а алардын кендеринин магма тоо тектери м-н байланышын изилдеген. Анын жетекчилигинде аталган металлдарга алдын ала болжолдуу баа берилүү м-н Түн. ж-а Ортоӊку Теӊир-Тоонун металлогениялык картасы түзүлгөн.
Эмг.: Главнейшие черты металлогении золота Тянь- Шаня // Закономерности размещения полезных ископаемых. Т. 9. М., 1970.