ДАВЫДОВ МӨӉГҮСҮ
ДАВЫ́ДОВ МӨӉГҮСҮ – Ак-Шыйрак тоо массивинин түн.-батыш капталындагы татаал өрөөн тибиндеги мөӊгү. Уз. 5,8 км, аянты 11,6 км2. Нарын д-нын башаты Кум-Төр суусунун алабынан орун алган. Мөӊгүнүн башы деӊиз деӊг. 4840 м, этеги 3720 м бийиктикте жатат. Кар чегинин бийикт. 4160 м. Абляция облусунун аянты 2,7 км2. Мөӊгүнүн «тили» 1932–57-ж.
380 мге тартылып, анын учу 1955–57-ж. 3,5 мге жукарган. Азыркы мезгилде мөӊгү акырындап тартылууда. Мөӊгүдөн Сары-Төр суусу (Кум- Төрдүн сол куймасы) башталат. Илимпоз географ ж-а гидролог Л. К. Давыдовдун ысмынан аталган. Мөӊгүнүн этегинде Кум-Төр алтын кени казылып алынууда (2007).