ДАЙЫМА ЖАШЫЛ ӨСҮМДҮКТӨР
ДАЙЫМА ЖАШЫЛ ӨСҮМДҮКТӨР – жайыкышы жалбырагы түшпөгөн өсүмдүктөр. Эски жалбырагы бирин-сериндеп түшүп, ордуна жаӊы жалбырактар дайыма өсүп чыгып тургандыктан дайыма жашыл болуп турат. Д. ж. ө. планетанын бардык жеринде өсөт. Көбүнчө тропик ж-а субтропик өлкөлөрүндө тараган. Д. ж. ө-гө пальмалар, фикустар, лаврлар, олеандрлар, самшит, зайтун ж. б. кирет. Мелүүн ж-а суук алкакта мырза карагайдан башка верескалар тукумундагы бадалдар, кээ бир чөптөр Д. ж. ө. болуп эсептелет. Кышкысын мелүүн климаттуу аймактардагы өсүмдүктөрдө фотосинтез жүрбөйт, дем алуу ж. б. тиричилик процесстери жай өтөт. Жалбыракта крахмалдын ордуна кант же май пайда болуп, ал өсүмдүктүн суукка чыдамдуулугун жогорулатат. Жазында жалбырактын тиричилиги кайтадан башталат.