ДАЛБАЕВ
ДАЛБАЕВ Сатыбалды (15. 12. 1934-ж. т., азыркы Жалал-Aбад обл., Базар-Коргон р-ну, Ооган- Талаа кыш.) – Кыргыз ССР эл арт. (1974), Токтогул атн. мамл. сыйл. лауреаты (1986). Москвадагы Луначарский атн. ГИТИСти бүткөндөн (1957)
Кыргыз мамл. акад. драма театрында иштейт. Д. түзгөн образдарга тереӊ граждандуулук, психологизм мүнөздүү. Улуу муундардан үлгү алган залкарлардын бири Д. түрдүү жанрдагы спектаклдерде бирине бири окшобогон образдарды жараткан: Чоро (Ч. Айтматов, «Жаныбарым, Гүлсарым»), Жакып хан (Ж. Садыков, «Манастын уулу Семетей), Омар Хайям (К. Мамбетакунов, «Омар Хайямдын махабаты»), Незнамов (А. Островский, «Күнөөсүз күнөөлүүлөр»), Сейит (Ч. Айтматов, «Жамийла»), Аскар (Т. Абдумомунов, «Бюро жүрүп жатат»), Лоренцо (У. Шекспир, «Ромео менен Жульетта»), Ленин (К. Маликов, «Бийик жерде»), Ленин (К. Паустовский, «Эски шинелчен адам»), Качы (А. Токомбаев, «Өлбөстүн үрөнү»), В. Ульянов (И. Попов, «Ульяновдордун үй-бүлөсү»), Молчалин (А. Грибоедов, «Акылдан азап») ж. б. 100гө жакын роль аткарган. Базар-Коргон р-нундагы Ооган-Талаа айылындагы орто мектепке Сатыбалды Далбаевдин ысмы ыйгарылган (2000).
Эмгек Кызыл Туу, III даражадагы Манас ордендери, «Даӊк» медалы м-н сыйланган. КМШ өлкөлөрүндө, Түркияда гастролдо болгон.