ДАЛ КЕЛҮҮ АБАЛЫ
ДАЛ КЕЛҮҮ АБАЛЫ – ар түрдүү заттардын ченөлчөмдөрү (темп-ра Т, басым Р, өздүк көлөм V ж. б.) маанилери б-ча дал келген абалы. Келтирилген чен-өлчөмдөр аркылуу берилген абалдын теӊдемеси бардык заттар үчүн бирдей ж-а аны дал келүү закону дейт. Бул закон жаӊы заттын касиетин изилдөөдө колдонулат. Д. к. а. квант эффектиси болбогон жогорку темп-рада ж-а молекула аралык өз ара аракет энергиясынын аралыкка көз карандылыгы бирдей болгон заттар үчүн туура ж-а так аткарылат.