ДАЛЛАС
ДА́ЛЛАС – АКШнын түштүгүндөгү шаар (1856). Техас штатында. Тринити д-нын боюнда. Калкы 1,2 млн (2007, агломерациясында 6,1 млн) Эл аралык аэропорту бар. АКШнын түштүгүнүн
ири экон.-соода-финансы борбору ж-а жолдор тоому. Түштүк нефть-газ ө. ж-нын уюштуруу борбору. Ири авиа ракета-космос, радиоэлектроника, прибор куруу, нефть-газ ө. ж. үчүн жабдуу, тамак-аш, тигүү, полигр., кагаз, хим. (самын ж-а жасалма жуучу каражаттар) ө. ж. ишканалары иштейт. Ун-т, музей, театрлар бар. Д-та президент Ж. Кеннеди атылган. Эл аралык конкурстар (органчылардын), ярмаркалар өткөрүлүп турат.