ДАЛЫЧЫ
ДАЛЫЧЫ – таза, чийинсиз мүлжүлгөн койдун далысын жарык шоолага карап, андагы сүрөтчө,
жолчо, сызыкча, булутча аркылуу келечектеги иштерди, окуяларды, кайгы, кубанычтарды болжолдоп алдын ала айта билген адам. Д-лар айжылдыздарга, тогоолдорго карап көптү билген кыбачы, күзгө карап кышты, кышка карап, жазды, бүгүнкүгө карап эртеӊкини болжолдогон өтө баамчыл, адамдын өӊүнөн, мүнөзүнөн, кыймыл-аракетинен анын оюн, саламаттыгын, азыркы абалын боолгологон кыраакы, өтө тажрыйбалуу сөзмөр кишилер. Алар өз ой-пикирин купуялуу, табышмактатып, бир нече мааниде, өтө жалпылаштырып айтып берүүгө устат болгон. И. Молдобаев.