ДАЛЬ
ДАЛЬ (Dahl) Роберт Алан (17.12.1915, Айова штаты, Инвуд) – амер. саясат таануучу, плюралисттик демократия концепциясын иштеп чыккандардын бири, саясий илимд. доктору. Йель ун-тинин (АКШ) профессору. «Демократия теориясына киришүү» (1956), «Батыш демократияларындагы саясий оппозиция» (1966), «Плюралисттик демократиянын дилеммалары» (1982) аттуу эмгектеринде саясий системалардын олуттуу өзгөрүүлөрү, демократия категорияларынын өз ара катыштары демокр. коомдо оппозициянын ролу сыяктуу саясий философиянын орчундуу маселелери кеӊири изилдөөгө алынган. Д. азыркы кездеги Батыш демократиясын демократия идеалына алда канча жакын ж-а аны полиархия деп атаган. Полиархия демокр. идеалдан айырмаланат, ошол эле учурда ал жарандарга өз эркиндиктеринен пайдаланып, саясий чыгууларга катышууга, топтор м-н лидерлерге бийлик үчүн күрөштө ачыктан ачык эрегишке чыгууга мүмкүндүк берет. Полиархия соӊку мезгилдеги коомду башкаруу тартибинин өзгөчө бир тиби болуп калды. Ал саясий режимдин эки белгиси: оппозицияга алда канча сабырдуу мамилеси, өкмөттүн жүрүм-турумуна, айрым кызмат адамдарын тынчтык каражаттар аркылуу ордунан кетирүүгө чейин таасир көрсөтө ала турган укукка эгедерлиги. К. Байбосунов, Т. Абдылдабеков.