ДАН ЖАНА ДАН АЗЫКТАРЫНЫН ЗЫЯНКЕЧТЕРИ
ДАН ЖАНА ДАН АЗЫКТАРЫНЫН ЗЫЯНКЕЧТЕРИ , к а м п а з ы я н к е ч т е р и – сактоо ж-а ташуу учурунда данды, анын азыктарын бүлдүрүп, жок кылуучу жаныбарлар. Зыянкечтердин 100дөн ашык түрү бар. Алар: жөргөмүш
сымалдар (кээ бир кенелер), курт-кумурска (айрым коӊуздар м-н көпөлөктөр), куштар (кээ бир көгүчкөндөр м-н таранчылар), сүт эмүүчүлөр (чычкан сымал кемирүүчүлөр). КМШ өлкөлөрүндө ун кенеси, кампа шиш тумшугу, коӊуз, дан көӊдөйлөгүч, буурчак данчысы, кампа күбөсү, таранчы, чычкан, келемиш ж. б. өтө коркунучтуу. Булар дан м-н дан азыктарын коротуп, сапатын начарлатып, булгайт, үрөндүн өнүмдүүлүгүн төмөндөтөт. Келемиш м-н чычкан кампа курулушун, шаймандарды ж-а жасалганы да бүлдүрөт, чума, холера, күлапса ж. б. ооруларды жайылтат. Күрөшүү чаралары: алдын алуу ж-а жок кылуу.