ДАӉГИ ОНИКС КЕНИ
ДАӉГИ О́НИКС КЕНИ – Ош обл-нун Ноокат р-нундагы оникс кооз ташы жаткан жер. Араван–Эски-Ноокат автомобиль жолунан 1,5 км чыгыш тарапта, Араван-Сай суусу Даӊги шаӊ- шаарына кошулган жерде. Кендеги мрамор оникси шаӊшаардын боорунда линза ж-а туюк карст үӊкүрлөрүндө уюма кыртыш түрүндө. Линзалардын уз. 5–8 м, калыӊдыгы 0,1–0,2 м. Түсү кызгылт, чанда жез сымал саргыч, жол-жол темгилдүү. Таш өтө кооз, блокторго жакшы бөлүнөт. Көркөм кооз буюмдарды жасаса болот.