ДАРАК ИЛДЕТТЕРИ
ДАРАК ИЛДЕТТЕРИ – түрдүү себептердин – илдет козгогуч м-н айлана-чөйрөнүн ыӊгайсыз шартынын таасиринен дарак өсүмдүктөрүнүн өсүү функциясынын (фотосинтез, дем алуу, суу ж-а азык зат сиӊирүү) ж-а анын түзүлүшүнүн бузулушу. Д. и. этиологиясына жараша жугуштуу ж-а жугушсуз болуп бөлүнөт. Жугуштуусун мите козу карын, бактерия, балырлар, актиномицеттер ж-а вирустардан, жугушсуз илдет айлана-чөйрөнүн ыӊгайсыз шартынан пайда болот. Д. и. эл чарбасына өтө чоӊ зыян келтирет. Мөмө-дарактын түшүмү төмөндөп, жыгачы зыянга учурайт. Дарак көбүнчө рак, чирик, дат, жараат илдеттерине чалдыгат. Каршы күрөшүү чаралары: илдеттүү даракты же бутакты кыркып таштоо; урук, көчөткө формалин ж. б. фунгицид чачуу; агротехниканы туура жүргүзүү.
Ад.: Робертс Д. А. Основы защиты растений. М., 1981.