ДАРЕНДОРФ

ДА́РЕНДОРФ (Dahrendorf) Ральф (1.5. 1929-ж. т., Гамбург) – социал. стратификация ж-а жаӊ- жалдар теориясын негиздеген немис саясат иликтөөчүсү, азыркы либерализмдин идеологу. Д. «Индустриялык коомдогу тап жана тап жаӊ- жалдары» (1959), «Жаӊжал жана эркиндик» (1972) аттуу эмгектеринде социал. стратифика­ция концепциясын ж-а «Жаӊжал теориясын» иштеп чыккан. Д. таптар ортосундагы жаӊжал­дын түпкү себебин менчиктен эмес, коомдогу үстөмдүккө карата көз карандылыктын каршы­лык көрсөтүүсү м-н байланыштырган. Мындай кырдаал кайсы гана коом болбосун баарына та­андык болгондуктан, тийиштүү жаӊжалдарды жаратпай койбойт, – деген. Д-тун пикири б-ча «кимде ким жаӊжалдардын кесепетин эске алып, аларды колго алууга алы келсе, ал тарых ыр­гактарын көзөмөлдөөнү да колуна алган болот». Анын көз карашы б-ча социалдык жаӊжал­дар – кайсы коомдо болбосун баш ийүүчүлүк м-н үстөмдүктүн ортосундагы мамилелердин на­тыйжасы. Жаӊжалды күчтөп басуу, аны күчө­түп-курчутуп жиберет, ал эми «рационалдуу жөндөө» – көзөмөлдөнүүчү эволюцияга алып келет,– деп эсептейт.