ДАРКАН
ДАРКАН – Ысык-Көл обл-нун Жети-Өгүз р-нундагы кыштак.Даркан айыл өкмөтүнө караштуу. Жууку суусунун сол өйүзүндө, Бишкек – Каракол автомобиль жолунун боюнда, деӊиз деӊг. 1733 м бийикте жайгашкан. Райондун борбору Кызыл-Суу кыш-нан 10 км батыш тарапта. Балыкчы т. ж. бекетинен 172 км. Кыштак 1911-ж. негизделген. Калкы 6407 (2007); негизинен мал чарбасы м-н алектенип, дыйканчылыкта эмгектенет. Орто ж-а негизги мектеп, бала бакча, медпункт, амбулатория, дарыкана, мад-т үйү, китепкана бар.