ДАРЛИНГ
ДА́РЛИНГ (жерг. эл жогорку агымын – Кондомайн, ортоӊкусун – Балоин, төмөнкүсүн – Бирри деп атайт) – Австралиянын түш.-чыгышындагы дарыя, Муррейдин оӊ куймасы. Уз. 2740 км, алабынын аянты 650 миӊ км2. Нью-Ингленд кырка тоосунун батыш капталынан башталып, чөл аркылуу агат. Орт. чыгымы 42 м3/сек. Кургакчылык жылы төмөнкү агымы соолуп калат. Сугатка пайдаланылат. Жаӊы Түш. Уэльстин губернатору – Р. Дарлингдин урматына аталган.