ДАРООТ-КОРГОН
ДАРООТ-КОРГОН – Ош обл-ндагы Чоӊ Алай р-нунун ж-а Дароот-Коргон айыл өкмөтүнүн борбору, кыштак. Алай өрөөнүнүн батыш бөлүгүндө, Кызыл-Суу суусунун боюнда, деӊиз деӊг. 2460 м
бийикте жайгашкан. Облустун борбору ж-а темир жол бекети Ош ш-нан 286 км түш.-батыш тарапта. Кыштак 1885-ж. негизделген. Калкы 4852 (2006); негизинен мал чарбасында эмгектенет. Эки орто мектеп, бала-бакча, мад-т үйү, клуб, райондук ж-а балдар китепканасы бар. Оорукана, ФАП, үй-бүлөлүк врачтар тобу, мончо иштейт. Кыштактын жанында Кокон хандыгы учурунда курулган (1821) чептин калдыгы сакталган.