ДАРЧЫ
ДАРЧЫ – эки тирөөчкө керилген аркандын үстүндө оюн көрсөтүүчү цирк артисти. Д. байыртадан эле Рим, Кытай ж-а Персияда болгон. О. кылымда О. Азияга, Кавказга, Европага, кийинчерээк Түш. Америкага, 19-к-дын 2-жарымында Россияга тараган. Д. эл чогулган жыйында музыканын коштоосу м-н ачык аянттарда

оюн көрсөткөн. Шартка жараша дардын бийиктиги ар кандай болуп, аркан ар түрдүү материалдан эшилет. Кийинчерээк Д-нын оюну цирк артисттеринин программасына кеӊири кирди. Белгилүү Д-лар: орус Д-лары Свириндер, Тарасовдор (1920–50), Хибиндер (1940–50), Волжанскийлер (1950–70), өзбек Д-лары Ташкенбаевдер (1940–70), дагстандык «Цовкра» коллективи (1930–70). Кыргыз циркинде С. Байбориева, бир тууган С. ж-а М. Субанбековдор мыкты Д-лар катары таанымал.