ДАСТАН
ДАСТАН – эпикалык жанр; Чыгыш элдеринин фольклору м-н ад-тындагы баатырдык же романтикалык мүнөздөгү көлөмдүү поэма. Ыр түрүндө же кара сөз м-н жазылат; аткарууда кыраатка, обонго салып айтуу кезектеше берет. Д. баатырдык-фантастикалык темадагы жомок, уламыш, санжыралардан турат. Кара сөз түрүндөгүсүндө ыр, диалог же монолог эриш-аркак жүрөт. Д-ды түркмөн, азербайжан, түрктөр о г у з - н а м е деп да атайт. 10–15-к-да перс, тажик, өзбек, азербайжан ад-тында айрым романтикалык поэмалар (мис., «Лайли-Мажнун», «Хосров-Ширин») ж-а эпикалык чоӊ поэмалардын главалары (мис., Фирдоусинин «Шахнамеси») Д. делген. Көпчүлүк Д-ды качандыр бир заманда жеке адамдар чыгарып, элдин көркөм кенчине кирген элдик-поэтикалык Д-дан айырмаланбай калган. Д-дын бул эки түрүнө теӊ каарманды идеалдаштыруу, апыртуу мүнөздүү. Профессионал ад-тта Д. 16–18-к-да кыйла өрүш алган. Кээ бир элде (өзбек, кара калпак, түрк, кыргыз ж. б.) Д. азыр да жаралууда. Кыргыз фолькористикасы м-н адабият таануусунда фольклордук (мис., «Жаныш-Байыш», «Курманбек») ж-а адабий поэмаларды кээде Д. деп атайт. «ДАСТАН» ТРАНСУЛУТТУК КОРПОРАЦИЯСЫ – ачык акционердик коом (1993). Бишкек-
теги Кыргыз CCРинин 50 жылдыгы атн. «Физприборлор» з-нун (1956) базасында уюшулган. Коом – КМШда деӊиз аскеринин курал-жарактарын‚ суу алдындагы-тех. атайын багыттагы каражаттарды куруучу негизги ишканалардын бири. Коргонуу комплексинин жогорку технологиясы мед. техниканы өндүрүү үчүн пайдаланылат‚ ал техникалар м-н КМШ өлкөлөрүнүн көпчүлүгүнүн мед. мекемелери жабдылган. Жаӊы экон. шарттарда иштөө мезгилинде өндүрүштүк-тех. багыттагы буюмдарды, эл керектөөчү товарларды чыгаруу өздөштүрүлдү. Москва‚ Красноярск‚ Новосибирск‚ Екатеринбург (Россия)‚ Полтава (Украина) ш-ларында корпорациянын сервистик кызмат көрсөтүү борборлору м-н өкүлчүлүктөрү түзүлгөн. Коом 1994-ж. «Алтын глобус» Эл аралык сыйл. татыган.