ДАСТОРКОН
ДАСТОРКОН (фарсча дастар – жоолук), т а см а л – 1) үстүнө тамак-аш коюлчу кастарлуу буюм. Д-ду жайганда туюк учу төрдү каратылып, алгач нан коюлат. Д. байыртадан таза, ыйык буюм катары саналып, үстүнөн эч ким аттабаган. Учурда Д-дун кездеме, клеёнка ж. б. материалдардан жасалган көп түрлөрү бар.
2) Берилүүчү тамак-аштын жалпы аталышы.
Д-дон даам татуу улуулата нан ооз тийүүдөн башталат, чай куюлган чыны солдон оӊду карай сунулат. Д. жайып, тамак ичип олтурганда
үйгө келген конокту пейили, ниети таза адам ка-
тары урматтап тосуп алышып, сый көрсөтүшөт. Салт б-ча конок үй ээлерине: «Дасторконуӊ кеӊ болсун, үстүндө тамак-ашыӊ мол болсун, үйүӊөн кут, береке кетпесин», – деп бата берген.