«ДАТКАЙЫМ»СКРИПКАЧЫЛАР АНСАМБЛИ
АНСАМБЛИ – скрипкачы кыздар тобу. 1998-ж. Ч. Абдрахманованын демилгеси м-н М. Абдраев атн. Респ. адистештирилген муз. мектептин, Москва, Алматы, Смоленск, Бишкек консерваторияларынын бүтүрүүчүлөрүнөн түзүлгөн. 1999-ж. КР Маданият министрлигинин чечими м-н Кыргыз улуттук филармониясынын курамына кирген. Ансамблдин репертуарында 120дан ашуун муз. чыгармалар бар. Алар: И. С. Бахтын 2 скрипка үчүн ля-минор концерти, А. Вивальдинин 2 скрипка үчүн ля-минор концерти, С. Рахманиновдун «Элегиясы», С. Медетовдун «Скерцосу», К. Молдобасановдун «Саманчы жолу» балет-ораториясынан үзүндү,
Ж. Шералиевдин «Түшүмдөсү» (иштеп чыккан К. Бодров) ж. б. Ансамбль респ-да өткөрүлгөн фестивалдарга, кайрымдуулук концерттерине активдүү катышат. КРдин жаштар сыйл. лауреаты (2007).
Ад.: Алагушов Б. Кыргыз улуттук филармониясы. Б., 2006.