ДАУТОВ
ДАУТОВ Кадыркул (10. 9. 1940-ж. т., Ош обл., Алай р-ну, Үч-Дөбө айылы) – адабиятчы, сынчы, КРдин мад-тына эмг. сиӊ. ишмер (2000), филология илимд. кандидаты (1973). 1978-жылдан СССР жазуучулар союзунун мүчөсү. КМУнун филология ф-тин бүт ү ргө н (1969). 1970–73-ж. СССР ИАнынМ.Горький атн. Бүткүл дүйнөлүк ад-т ин-тунун аспирантурасында окуган. 1973-ж. КСЭ-де Ад-т ж-а иск-во редакциясынын башчысы, 1974–75-ж. Кыргыз ССР ИАнын Тил ж-а ад-т ин-тунда ил. кызматкер, 1976– 81-ж. сектор башчысы, 1983–85-ж. КМУда окутуучу, 1985–86-ж. «Кыргызстан маданияты» жумалыгынын бөлүм башчысы, 1989–99-ж. кайрадан КР УИАнын Тил ж-а ад-т ин-тунун бөлүм башчысы, 1999–2005-ж. Чүй ун-тинде кафедра башчысы болуп иштеген. И. Арабаев атн. КМПУ-нун (2005–06), Ж. Баласагын атн. КМУнун проф. (2007). Д. 1960-жылдардын экинчи жарымынан бери адабий-сын майданында эмгектенип, көркөм дүйнөнү, эстетикалык дөөлөт, нарк-насилди идеол., саясий чен өлчөмдөр м-н караган совет доорунда нукура ад-ттын өӊүтүнөн көркөм ойлоонун оригиналдуулугун, нукура поэзия маселелерин козгогон көптөгөн макалаларды жараткан. «Ырдын өмүрү» аттуу алгачкы адабий-сын макалалар жыйнагы 1977-ж. жарык көргөн. Д. – классикалык эстетиканын мектебинен өткөн, жандуу туюм-сезимге эгедер, адабий жанрлары м-н көркөм сындын бардык түрлөрүнө эркин кире билген, өз сөзү, туруктуу өӊүтү бар, кыргыз, орус тилинде бирдей жаза билген универсал адис. Д. – «Жаӊы чектерге» (1980), «Главное-поиск» (1982), «Сөз өнөрүнүн эстетикасы» (1984), «Таланттар жана тагдырлар» (1988), «Тереӊдиктер жана бийиктиктер» (1991), «Мезгил сыны жана мен» (2004), «Түркүн дүйнө элестеринен» (2005), «Издегеним тубаса акын, тунук поэзия» (2008) аттуу адабий-сын макалалар жыйнактарынын, «Адабий сын кантип жаралган?» (2002), «Албан кырдуу алп акындын дүйнөсү» (2003) деген монографиялардын автору.