ДЕБЮССИ
ДЕБЮССИ́ Клод Ашиль (22. 8. 1862, Парижге жакын, Сен-Жермен-ан-Ле – 25. 3. 1918, Париж) – француз композитору, пианист, муз. сынчы, музыкадагы импрессионизм агымын негиздөөчү. 1872–84-ж. Париж консерваториясында фортепьяно б-ча А. Ф. Мармонтелден, композиция б-ча Э. Гиродон окуган. Консерваторияны бүткөндөн кийин «Тентимиш уул» кантатасы үчүн Рим сыйл. алган. Д. гармонияга, оркестрлештирүүгө, фортепьянолук фактурага жаӊы табылгалар м-н колориттүү көркөм каражаттарды кийирген. М. Метерлинктин драмасы б-ча «Пелле-
ас менен Мелизанда» операсы француз муз. театрын жаӊы баскычка көтөрүп, театрдагы симф. жалпылоону күчөткөн. Д-нин музыкасында образдардын күӊүрттүгү, ладдардын динамикасын бошотуу тенденциясы сыяктуу импрессионизмге мүнөздүү белгилер болгондугуна карабастан, анын чыг-лыгы эстетикалык күчү, прогрессчилдиги жагынан зор мааниге ээ. Д. 1 опера, 3 балет, вокалдык-симф. чыгармаларды, оркестрдик циклдерди, аспаптык ансамбль, фортепьяно үчүн пьесаларды, 12 этюд, 50дөн ашык ыр, романс ж. б. чыгармаларды жазган.
Ад.: Кремлев Ю. Клод Дебюсси. М., 1965.