ДЕВАЛЬВАЦИЯ
ДЕВАЛЬВА́ЦИЯ (de ж-а лат. valeo – маанилүүмүн) – улуттук валютанын расмий курсунун чет өлкөлүк валютага‚ о. эле эл аралык валюталык эсеп бирдигине (CДР‚ ЭКЮ‚ евро) карата төмөндөшү же алтын акча бирдигинин мыйзам чегинде (алтын стандартта) азайышы. Д. акча жүгүртүүнүн ж-а валюта курсунун турукташуу ыкмасы катары колдонулат. Алтын стандарттын алынгандыгына (1930) байланыштуу Д. валюта саясаты катары пайдаланылат. Олкусолку валюта курсунун системасында Д. импортту (жерг. валютада) кымбатыраак‚ экспортту (арзаныраак) кылат‚ анын натыйжасында импорт кыскарып‚ экспорт өсөт да‚ төлөм балансынын тартыштыгы жоюлат. Белгиленген валюта курсу системасында Д. адм. тартипте жүзөгө ашырылат. Ал төлөм балансындагы теӊ салмакка жетүүсү көп факторлор м-н шартталган: 1) экспорт м-н импорттун баанын өзгөрүшүнө кабылдагычтыгы; 2) экспортту көбөйтүү ж-а импортту алмаштыруу үчүн эркин ресурстардын болушу; 3) ички баалардын бир деӊгээлде өсүү темпин же башка өлкөлөрдөгү инфляциядан төмөндөгөн темпти колдоо максатында инфляцияны көзөмөлдөө. Д. натыйжалуулугун көтөрүү максатында айрыкча өнүгүп жаткан өлкөлөр экспорт ж-а импорт б-ча жиктелген алымдарды ж-а субсидияларды пайдаланышат.