ДЕГА
ДЕГА́ Эдгар (19. 7. 1834, Париж – 27. 9. 1917, ошол эле жер) – фр. живописчи, график ж-а скульптор. Парижде көркөм иск-во мектебинде окуган (1855–56). 1854–59-ж. Италияда Алгачкы Кайра жаралуу иск-восун үйрөнгөн. Портрет ж-а тарыхый сүрөттөрдүн композицияларын түзгөн («Беллеллинин үй-бүлөсү», 1858–60, Париж). 1870-жылдарда импрессионизм өкүлдөрү м-н жакындашып, ошол замандагы шаар турмушун, театр сахналарын («Ынтымак аянты», 1875-ж. чен; «Абсент, 1876), адамдардын мүнөздөрүн, жашоо-турмушун («Кафенин террасасындагы аялдар», монотипия, пастель, 1877; «Үтүкчү аялдар», 1884) чагылдырган чыгармаларды жараткан. Сахнадагы бийчилердин сүрөттөрүн майрамдык шаӊ м-н берген («Жылдыз», пастель, 1878), жумуштан чарчаган адамдарды («Бийден экзамен», пастель, 1880, өздүк жыйнак, Нью- Йорк) тарткан. 1910-жылдан скульптурада иш-
теп, балериналардын, суучулдардын, жылкылардын күтүлбөгөн позаларын-келбеттерин жараткан.
Ад.: Русаков Р. Дега. М., 1968.