ДЕГЕНЕРАЦИЯ
ДЕГЕНЕРА́ЦИЯ (лат. degenero – тукуму начарлоо) – 1) м о р ф о л о г и я д а – клеткалардын ж-а органдардын бузулуу процесси, мис., бакага айланганда көнөк баштын куйругунун акырындык м-н жоголушу. 2) м и к р о б и о л ог и я д а – туура эмес шартта өсүүдөн бир клеткалуу организмдин жашоосунун начарлашы. 3) А. Н. Северцов эволюция ж-дөгү окуусунда жалпы ж-а жеке Д. деген түшүнүк киргизген. Жалпы Д-да активдүү функциясы бар органдар (кыймыл ж-а сезүү органдары, борб. нерв системасы) жөнөкөйлөнөт, пассивдүү органдар ылдам өсөт. Жеке Д-да организмдин түпкү тегинде болгон органдар жөнөкөйлөнөт, мис., бутсуз кескелдириктердин аяктары, баш буттуу моллюскалардын раковиналары.