ДЕГУСТАЦИЯ
ДЕГУСТА́ЦИЯ (лат. degustatio – даамын татуу) – тамак-аш азыктарынын сапаты, түсү, жыты ж-а даамы б-ча баалоо. Д. айрыкча шарап жасоодо, анын сапатын, коммерциялык ж-а керектелүү баалуулугун аныктоодо колдонулат. Д-нын негизинде шарап 10 баллдык система аркылуу төмөнкүдөй элементтерди эсепке алуу м-н бааланат: тунуктугу – 0,5, түсү – 0,5, жыпар жыттуулугу – 3, даамы – 5, кыймылы ж-а көбүктөнүүсү б-ча шампанский үчүн 1 балл (булар жогорку балл болуп эсептелет). Чайды Д. кургак чайдын сырткы түрү, демделген чайдын түсү (колер), жыты ж-а даамы, чаманын өӊү эске алынат. Ал эми тамекини Д-лаганда жыты, даамы, күчү, түтүнүндөгү майлуу заттар аныкталат.