ДЕДЕКИНД КЕСИЛИШИ
ДЕ́ДЕКИНД КЕСИЛИШИ , к е с и л и ш – чыныгы сандардын (R) көптүгүнүн a ∈ A ж-а b ∈ B үчүн a<b барабарсыздыгы аткарылгандай, куру эмес А ж-а В көптүктүрүнө ажырашы. Д. к. A/B символу м-н белгиленет. A/B кесилиштин А көптүгү т ө м ө н к ү, ал эми В көптүгү ж ог о р к у классы деп аталат. Рационалдык сандардын Д. к-нин көптүгү чыныгы сандар теориясын түзүүдө колдонулат. Чыныгы сандардын көптүгү м-н түз сызыктын чекиттеринин арасында өз ара бир маанилүү туура келүүчүлүк болгондуктан, түз сызыктын үзгүлтүксүздүгүн аныктоодо да Д. к. колдонулат. Д. к. Дедекинд аксиомасы деп да аталат. 1872-ж. немис математиги Р. Дедекинд сунуш кылган.