ДЕЗАКТИВАЦИЯ
ДЕЗАКТИВА́ЦИЯ (дез... лат. aktivus – ишкердүү, таасирлүү) – айлана-чөйрө объектилерин, адам м-н жаныбарларды ж-а түрдүү объектилерди (суу, биол. телолорду ж. б.) радиоактивдүү булгоочу заттардан арылтуу. Д. үчүн түрдүү физ. ж-а хим. чаралар колдонулат. Адамдын организмин радиоактивдүү заттардан арылтуу үчүн айрым тамак-аш азыктары ж-а хим. заттар колдонулат. Чернобыль алааматында булганууга дуушар болгон аймакта көптөгөн Д-лык иштер жүргүзүлгөндүгүнө карабай (эки жылга созулган), айрым жерлер жашоого жараксыз деп табылган. Д. толук ж-а жарым-жартылай болуп бөлүнөт. Кырг-нда Барскондо (радиоактивдүү булгоо болбосо да) сууга төгүлгөн цианиддин таасирин кетирүү үчүн хлор колдонулган (к. Барскон кырсыгы). Р. Осмонбекова.