ДЕЗАРГ ГЕОМЕТРИЯСЫ

ДЕЗА́РГ ГЕОМЕТРИЯСЫ , Д е з а р г м е й­к и н д и г и н и н г е о м е т р и я с ы – геод. геометрия; мында түз сызыктар геод. сызыктар­дын ролун аткарат. R Дезарг мейкиндиги бо­луш үчүн: ар кандай эки чекит аркылуу өтүүчү геод. сызыктын жалгыз гана болушу; dimR=2 болгондо, Дезарг теоремасынын же ага тескери теореманын орун алышы; dimR>2 болгондо, R мейкиндигинин ар кандай үч чекити бир тегиз­дикте жатышы зарыл ж-а жетиштүү. R мейкин­диги проекциялык мейкиндикке Pⁿ чагылды­рылганда, ал Pⁿ мейкиндигин бүтүндөй жаап калат (бул учурда R мейкиндигинин ар бир геод. сызыгы бирдей узундуктагы айланалар) же R айрым бир гипермейкиндиктин ачык томпок об­лусу катары каралат. Фр. математик, арх. ж-а инженер Ж. Дезарг негиздеген.