ДЕКАНОВ
ДЕКА́НОВ Даниил Тихонович (1881–1934) – Кырг-нга Совет бийлигин орнотууга активдүү катышкан жумушчу – шахтёр. Жумушчулар арасында рев-ялык үгүт жүргүзгөнү үчүн 1910-ж. Донбасстан Түркстанга сүргүнгө айдалган. 1917- жылдын март айында Сүлүктү жумушчу депутаттар советинин председатели, о. эле Самарканд обл-нда Совет бийлигин орнотуудагы жетекчилердин бири, Советтердин бүткүл россиялык 2-съездине (октябрь – ноябрь, 1917) делегат болуп катышкан. Өмүрүнүн акырына чейин парт. кызматтарда иштеген.