«ДЕН СООЛУК» ЖУРНАЛЫ
«ДЕН СООЛУК» ЖУРНАЛЫ – Кыргыз ССР Саламаттык сактоо министрлигинин ил.-популярдуу көркөм журналы. 1960-жылдан айына бир жолу чыгып турган. Анда мед. илимдин жаӊы ачылыштары, ийгиликтери, жетишкендиктери, коомдук ж-а жеке гигиена, ар кандай дарттардын алдын алуу, санитариялык талаптарды аткаруу, эмгекти, эс алууну туура уюштуруу, эне м-н баланын саламаттыгын коргоо сыяктуу маанилүү маселелер б-ча макалалар, очерктер, сүрөттөр, адистин кеӊештери басылып турган. Учурда журналга КР Саламаттык сактоо министрлиги ж-а «Ден соолук» акционердик коому ээлик кылып, ал ай сайын кыргыз ж-а орус тилдеринде чыгат.