ДЕСАНТ
ДЕСА́НТ (фр. descente – түшүрүү) – согуш жүргүзүү үчүн атайын даярдалган ж-а абадан ташталган же деӊизден душман аймагына түшүрүлгөн аскер бөлүгү. Курамы ж-а аткаруучу тапшырмалардын мүнөзү б-ча стратегиялык, тактикалык, атайын багыттагы ж-а көргөзмөлүү Д., ал эми жеткирүү ыкмалары ж-а каражаттары б-ча аба, деӊиз (дарыя, көл), танк ж-а кеме Д. болушу мүмкүн. Ал согуш максатына жетүүдө күжүрмөн тапшырмаларды аткарат. Д. аскерлер душман ээлеген аймакка аба, суу жолдору аркылуу жеткирилет.