ДИВИЗИЯ
ДИВИ́ЗИЯ (лат. divisio – бөлүк) – көпчүлүк мамлекеттердеги ар кандай түрдөгү куралдуу күчтөрдүн негизги тактикалык бирикмеси. Д. жөө аскер, мотоаткычтык, танкалык, артиллериялык, авиац., аба-десанттык ж. б. болуп бөлүнөт. Д. бир нече полктон (бригададан) же ар кандай түрдөгү батальондордон, атайын аскерлердин ж-а бөлүктөрүнөн ж-а бөлүмчөлөрүнөн турат. Аскер-деӊиз флотунда Д. 1-рангдагы бир нече кемеден же башка рангдагы кемелердин бир нече бригададан же дивизиондон турушу мүмкүн.