ДАВАН РОГОВИК КЕНИ

ДАВАН РОГОВИ́К КЕНИ – Жалал-Aбад обл­усунун Ала-Бука районундагы роговик кооз ташы жаткан жер. Каба кыштагынан 15 км түндүк тарапта, Чаткал кырка тоосунун түштүк капталында. 1960-жылы ачылып, 1973–75-жылдарда геологиялык изилдөө жумушта­ры жүргүзүлгөн. Кен аймагын гранат-пирок­сендүү скарн, роговик, гранит-диорит, метамор­физмделген акиташ теги ж-а серпентинит тоо­тектери түзөт. Роговиктин өӊү боз, мала кызыл келип, арасында кара ж-а каралжын боз жол­жол темгилдүү тилкелер кезигет. Тилкелердин калыӊдыгы 0,5–1,5 см, алар 19 м² аянтта 3–5 жолу кайталанып, кезектешип жайгашкан. Роговик катмарынын калыӊдыгы 150 м, узундугу 350– 400 м. Чыккан блоктордун өлчөмү 20х20х20 смге жетет. Сайкалданган бети жалтырап, кооз оймо­чиймелүү. Таштан майда кооз белек буюмдарды жасоого болот.