ДАВИД
ДАВИ́Д Жак Луи (30. 8. 1748, Париж – 29. 12. 1825, Брюссель) – француз живописчиси. Парижде ж-а Римде (1775–80) окуп, 80-жылдары революциячыл классицизмдин көрүнүктүү өкүлү катары таанылган. Ал кездеги сүрөттөрүнүн көбү («Горацийлер анты», 1784; «Ликторлор Брутка анын уулдарынын сөөгүн алып келе жатышат», 1789) революциячыл классицизм көркөм чыгармачылыктагы жарандуулуктун үлгүсү деп эсептелген антика дүйнөсүндөгү каармандыкка байланыштуу тартылган. Давид француз буржуазиялык революциясынын тушунда активдүү якобинчи болуп, ал революциялык маанай чыгармаларында да чагылдырылган («Топ ойноочу залдагы ант» 1791; «Мараттын өлүмү» 1793, ж. б.). Кийинчерээк Наполеондун сүрөттөрүн чебер тартып, анын купулуна толгон («Такка отуруу шааниси», 1805–07; «Бонапарт Сен-Бернар ашуусунда», 1800). 19-кылымдын башында Давид француз академизминин беделдүү
өкүлү болуп калган. Бурбондор такка кайра келгенде, Давид 1816-ж. Брюсселге кетүүгө аргасыз болгон.