ДАЙНА
ДА́ЙНА – Литванын элдик ар түрдүү ырларынын жалпы аты. Байыркы Дайнада алгачкы жамааттык коом түзүлүшүнүн белгилери сакталган. 1745-жылы биринчи жазылып алынган Дайна жарык көргөн. Ага-ини Антон жана Иван Юшкевичяйлар Дайнанын көлөмдүү жыйнактарын түзгөн. Аны 1880–1882-жылдары Казан университети басып чыгарган. Совет доорунда Дайнада литва элинин эмгектеги каармандыгы, күжүрмөндүгү ырдалат.