ДАЛБАЕВА

ДАЛБАЕВА Мираида (17. 9. 1939-жылы туулган, Биш­кек) – Кыргыз ССР эл артисти (1987). 1957–1999-жылдары Кыргыз мамлекеттик академиялык драма театрында иштеген. Далбаева улуттук, дүйнөлүк, орус драматургдарынын спектаклдеринде бир катар баш каармандардын

образдарын түзүп, алардын кулк-мүнөзүн, ички дүйнөсүн жеткиликтүү даражада бере алган. Негизги ролдору: Ра­невская (А. П. Чехов, «Алча­луу бак»), Эркайым (Ш. Са­дыбакасов, «Акбоз ат»), Алыйман, Жамийла (Ч. Айт­матов, «Саманчы жолу», «Жамийла»), Айганыш (А.Токомбаев, «Өлбөстүн үрөнү»), Аял (Н. Хикмет, «Унутулган адам»), Жыпар, Сейдимкан, Калича (Т. Абдумомунов, «Атабектин кызы», «Акындын үмүтү», «Ашыр­бай»), Регина (У. Шекспир, «Король Лир»), Май­раш, Зуура (Б. Жакиев, «Атанын тагдыры», «Жүрөлүчү жүрөк оорутпай»), Зулайка (М. Бай­жиев, «Байыркы жомок»), Ханума (А. Цага­рели, «Ханума»), Анара (Ч. Айтматов, К. Му­хамеджанов, «Фуд­зиямадагы кадыр түн»), Гүлгаакы (К. Жантөшев, «Курман­бек»), Каныкей, Ча­чыкей, Курманжан датка (Ж. Садыков, «Айкөл Манас »,

Ш. Садыбакасов «Акбоз ат». Эркайым – М. Дал­баева.

«Сейтек», «Манастын уулу Семетей», «Шабдан баатыр») жана башкалар. Киного да тартылган. «Менин жаӊылыштыгымда» Гүлжандын, «Кошокчу» фильминде Кошокчу аялдын ролун ойногон. «Даӊк» медалы менен сыйланган.