ДАМБА
ДА́МБА (голландча dam) – сууну бөгөө же агымын өзгөртүү үчүн дарыя нугунда, жайылмасында, канал, суу сактагычтарда узата кырдалып жасалган гидротехникалык курулма. Ири дарыя өрөөнүндөгү түздүктү жана деӊиз жээгин суу каптоодон коргоочу Дамба; суу түйүндөрүнүн курулмаларын жээк менен бириктирүүчү байланыштырма Дамба; дарыя нугун жөнгө салуучу Дамба болуп айырмаланат. Дамба жергиликтүү материалдардан, көбүнчө таш, топурактан тургузулат.
