ДАМПИНГ
ДА́МПИНГ (англисче dump – үймөк, ыпыр-сыпыр, таштанды) – океанга төгүлүп, көмүлгөн таштандылар. Дампингдин негизги массасын булуӊдарда, бухталарда жана кысыктарда тереӊ казуу, кеӊейтүү иштерин жүргүзүүнүн негизинде топтолгон кыртыш түзөт. Андан тышкары ага тазалоочу жайлардын (жылына ондогон млн т) жана өнөр жай ишканаларынын катуу жана суюк таштандылары (миллион тоннадай) да кирет. Жылына океанга жүздөгөн миллион тонна таштанды төгүлөт. 1980-жылдарга чейин көптөгөн өлкөлөр Дампингди радиоактивдүү таштандыларды көмүү үчүн пайдаланган.