ДЕГУСТАЦИЯ

ДЕГУСТА́ЦИЯ (латынча degustatio – даамын та­туу) – тамак-аш азыктарынын сапаты, түсү, жыты жана даамы боюнча баалоо. Дегустация айрыкча ша­рап жасоодо, анын сапатын, коммерциялык жана керектелүү баалуулугун аныктоодо колдо­нулат. Дегустациянын негизинде шарап 10 баллдык сис­тема аркылуу төмөнкүдөй элементтерди эсепке алуу менен бааланат: тунуктугу – 0,5, түсү – 0,5, жыпар жыттуулугу – 3, даамы – 5, кыймылы ж-а көбүктөнүүсү боюнча шампанский үчүн 1 балл (булар жогорку балл болуп эсептелет). Чайды Дегустациялоодо кургак чайдын сырткы түрү, демделген чай­дын түсү (колер), жыты жана даамы, чаманын ӊү эске алынат. Ал эми тамекини Дегустациялаганда жыты, даамы, күчү, түтүнүндөгү майлуу заттар аныкталат.